အမေ---
အခုလိုလိုက်လိုက်လှဲလှဲ မခေါ်ရတာကြာပြီ
အမေ
ခန့်ကျန်းသာလို့ မာပါစ
အမေ
ဖုန်းဆက်လိုက်တိုင်း လိုင်းထဲကအမေ့စကားတွေ
မသဲမကွဲနဲ့
ကြားရတာ အရင်လို နီးနီးနားနားမဟုတ်တော့
အဆင်မပြောဘူးအမေ
အမေ
ခုဆို ကျွန်တော်ရောက်နေတဲ့ အရပ်က
မိုင်ပေါင်း (၁၅၂၃၀) နေရာလေးမှာ
အများပြောသလိုပြောရရင်
နိုင်ငံခြားပါအမေ
ဟုတ်ပါတယ်အမေရယ်
အမေနဲ့သား နိုင်ငံတွေခြားနေတဲ့ နိုင်ငံခြားပါ
ဘာသာမကွဲပြားပေမဲ့
အယူအဆ မတူကြတဲ့
လူမျိုးခြားတွေကြားမှာ
နေ့စဉ်နေ့တိုိင်း
အမေသင်ပေးလိုက်တဲ့ ဝေါဟာရနဲ့ အသုံးအနှုံးကို
ထည်လဲသုံးလို့မရတော့တဲ့ နေရာလေ
တစ်ယောက်နဲ့တစ်ယောက် ဆက်သွယ်ရာမှာ
သိုးဆောင်းတွေသုံးတဲ့ စကားကို ကြားခံအဖြစ်ထား
တစ်ယောက်ရဲ့နားနဲ့ တစ်ယောက်ရဲ့နားမှာ
ယုံကြည့်မှုနဲ့နားလည်မှုကို မိတ္တူကူးနေရတယ်
အမေ
ပြန်လာချင်လှပြီ အမေ့ဆီကို
အမေ
ပြန်နေချင်လှပြီအမေ့အိမ်မှာ
ဟော ဒီနိုင်ငံခြားကြီးဟာ
ဘယ်လောက်သာယာယာ၊
ဘယ်လောက်လောက်တိုးတက်တိုးတက်
အမေလက်နဲ့ ပွေ့ဖက်ထားတာလောက်
နွေးထွေးမှုမရှိပါဘူး
အမေ
ဟောဒီသူတို့တိုင်းပြည်ကြီးမှာ
ကျည်ဆန်ရထား၊ မိုးမျှော်တိုက်၊ ဟန်ဘာဂါ
သူတို့ဓလေ့ ရိုးရာအထွေထွေ
ဘယ်လို့ကောင်းတဲ့ နတ်သုဒ္ဓါတွေနဲ့ ဖြားယောင်းပါစေ
ကျွန်တော်ခံတွင်းမတွေ့ဘူးအမေ
အမေအိမ်က ၀ါးအခင်းမှာ
အေးအေးဆေးဆေး တေးငြီးရင်
ငါးပိရည် အတို့အမြှုပ်နဲ့
ထမင်းလုတ်တွေ လွေးချင်လှပြီ
အမေ
(8.5.2011-အမေများနေ့ အမှတ်တရ)
No comments:
Post a Comment